نكت
التاريخ: Thursday, June 23
الموضوع: آخر نكته


مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي .فرد عليه التلميذ : اصلي محبيتش اشوفك واقف لواحداك يا أستاذ
*********


مرة طفل بلدياتنا راح للبقال فقال لة عمو عندك الشوكلاتة ام ربع جنية قال لة البقال نعم عندى فقال الطفل طيب بكام

*********


التلميذ : بحبك يا أبله و عاوز أجوزك... المدرسه: بس أنا مبحبش الأولاد الصغيرين... التلميذ: وأنا مش مستعجل على الأولاد



*******

واحد بيستهبل اتجوز وحده بتستهبل ، خلفو واد ... لما خرج عمل فيها ميت



********

مره واحد ضرب ابنه بالالم قصفه



*********

مرة واحد ندل وصى ولادة وهو فى غرفة الانعاش يكونو ا اندل منه ، راحو فصلوا عنه جهاز الاوكسجين



***********

واحد بيقول لمراته تيجي نعمل جمعيه.اديكى كل يوم بوسه واديكى جنيه !قالتله ماشى , جه على اخر الشهر لقى معاها تسعين جنيه.قالها ايه ياوليه انا مش بديكى كل يوم بوسه وجنيه

.قالتله اسكت مش ابو هيثم جارنا دخل بنفرين



**********

مره واحد ساب عربيته دايره ........... رجع لقها مثلث



*********

مرة واحد باكستاني قابل واحد باكستالت



************

بياع جرايد ابوه مات مشى فى الجانازة يقول اقرا الفاتحة



***********

مره فيل اتقدم لنمله فاهلها ماوافقوش فقالت لهم: حرام عليكم الفيل الى فى بطنى



***********

البدو فى الصحراء بيركبوا ايه ؟ بيركبوا إبل فيكترا



**********

ليه الصعيدى يلبس بنطلون احمر؟عشان هو بيحب اللون الاحمر ...طب ليه بيلبس بنطلون اخضر ؟؟؟؟عشان البنطلون الاحمر فى الغساله



*************

مرة واحد محشش اتصل على بيت قال محمد موجود قالوا الرقم غلط قالهم... طيب بتردوا ليه



*** **********

واحد مسطول بيسال صاحبه المسطول ايه اسماء اخوتك الشباب؟ قاله:كلهم محسن الا ادهم اسمه تامر



**********

واحد سكران اتصل على مصر للطيران بيسأل الرحله من القاهره للندن هاتخد اد ايه فرد عليه الاستعلامات وقاله ثانيه قاله السكران طب شكرا



*************

واحد مسطول راح مطعم وقال لصاحب المطعم سندوتش طعمية من غير سلطة.. صاحب المطعم كمان مسطول قال له من غير سلطة ايه؟ قال له : من غير سلطة قوطة -صاحب المطعم : ماعنديش سلطة قوطة اعمله من غير سلطة طحينة؟؟؟



*************

مرة واحد مسطول جه يخرج من العربية لقى الدنيا بتمطر راح خارج من الباب التانى



*************

تاكسي...مصطفى كامل عالبحر؟ مشفتووش



***********

محشش نائم جت امه تصحيه في الصباح قالت قوم يا ولدي الشمس طلعت قال دخليها وقفلي الباب



*************

انا مره رحت عزيت رجعت عالسمن



*************

مرة بلديات دماغة لفت ، قابلها من الشارع التانى

************

مرة واحد قتل ابوة وأمة وخالة وبعدين قطع رجلة . فسألوة لية ؟ قال عشان رجلى ما تجيش في القضية


محمد عبد الغفار





أتى هذا المقال من hellooo.com
http://hellooo.com/

عنوان الرابط لهذا المقال هو:
http://hellooo.com//modules.php?name=News&file=article&sid=19